Širina

Mi se oprašća

Drito zrcalo ne zamira

Parićano j škuro nebo dažjit

Gust stari orih

Sad je štrim

Z duga gre vlak

Pruga;

Uz prugu kuferi prazni

Ne čekan ga, to moj vlak ni

Teško nebo pustilo j zemji daž

Grane su bliže

listi i kapi razgolitile dan

* * *

Nastavi;

Ja san mat tvojega diteta

Privila san nogavice da dubje gazin

Teže san nosila

Keste ti j boje

Facada

aš moraš nas volet

Borba

Tako j sagdi zapišeno

Mater se voli i dite

Paljba

Prosci; milostinju za jubav

Lačni smo

ostani ako projdeš

Dihat ne znan

Dosegnula

San svoj maksimum

Ja san mat tvojega diteta.

* * *

divertiment

napravila san radio

od tvoje melodije

ugradila slebrne žeje

neka j kako ćeš

od duple škatule z puci

Znela jednega za prišit

Zvučnik sope zlizane traperice

Očaj ženske bez izlaza

Zlatna vrata su ovu nediju zaprta

Neka j kako ćeš

Prokopala san već kroz se kanal

Za kabel i žice

odivertiraj se van