Prama obzovi

Nebu pod nogami                                                                              

Va  kamenju

Nespretnin i nesložnin

Šmrike, jedine

rashitane stvarne 

zelenila  fleke

zemjano  jezero 

napoji  ovce

va  metežu mehak okrugal  neblak

zrcalo ča z burun narisali vodi su

vali ni svoj misal ne čuje

ne vrnja nan se

imamo  skoro obzor

fijuče

rub duboke škrlice

na  dlanu more oprto

 

* * * 

Kradeš mi sni

zapušćenu kaštelinu

od falše postejine

falet će mi

filmski

srićan kraj i ti

ako se usudiš da sanješ isto

vaje se zbudi

da ne čuju ča za sna povedaš

tuji judi.